CƏMİYYƏT


ANAMA: Oktyabrda 950-dək partlamamış hərbi sursat zərərsizləşdirilib

Bakı, 1 noyabr, AZƏRTAC

Oktyabrda Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) tərəfindən Ağcabədi, Ağdam, Ağstafa, Beyləqan, Biləsuvar, Cəbrayıl, Daşkəsən, Füzuli, Qaradağ, Qax, Qazax, Salyan, Tərtər, Xızı, Xocavənd rayonlarında, Bakı və Gəncə şəhərlərində 451 min 263 kvadratmetr ərazi yoxlanılıb. Ay ərzində 948 ədəd partlamamış hərbi sursat və piyada əleyhinə bir mina aşkarlanaraq zərərsizləşdirilib.

ANAMA-dan AZƏRTAC-a bildiriblər ki, əməliyyatlara 482 nəfərlik əməliyyat, 135 nəfərlik inzibati heyət, 6 mexaniki minatəmizləmə maşını və 40 minaaxtaran it cəlb olunub.

İndiyədək cəmi 531 milyon 64 min 537 kvadratmetr ərazi təmizlənib, 800 min 592 ədəd mina və partlamamış hərbi sursat tapılaraq zərərsizləşdirilib.

Ötən ay Daxili İşlər Nazirliyinin “102-Zəng mərkəzi” xidmətindən 19, Fövqəladə Hallar Nazirliyinin Böhran Vəziyyətlərində İdarəetmə Mərkəzindən 9 və Dövlət Sərhəd Xidmətindən 3 müraciət daxil olub. Müraciətlər əsasında 29 min 210 kvadratmetr ərazi təmizlənib, 418 ədəd partlamamış hərbi sursat və piyada əleyhinə bir mina aşkarlanaraq Agentliyin mərkəzi məhvetmə ərazisində zərərsizləşdirilib.

Oktyabrda Tərtər rayonunda bir mina hadisəsi qeydə alınıb. Nəticədə Həsənov Azad Kamandar oğlunun sol ayağı dizdən aşağı amputasiya olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.