CƏMİYYƏT


ANAMA ilə Fransanın ölkəmizdəki səfirliyi arasında imzalanmış niyyət bəyannaməsi çərçivəsində Agentliyə yeni avadanlıqlar verilib

Bakı, 3 avqust, AZƏRTAC

Azərbaycan Respublikasının Minatəmizləmə Agentliyi (ANAMA) ilə Fransa Respublikasının ölkəmizdəki səfirliyi avqustun 3-də Azərbaycanda həyata keçirilən humanitar minatəmizləmə fəaliyyətinə dəstək məqsədilə təqdimat mərasimi keçirib.

ANAMA-nın mətbuat xidmətindən AZƏRTAC-a verilən məlumata görə, Agentliyin Horadiz regional mərkəzində keçirilən tədbirdə 2022-ci il 25 fevral tarixli niyyət bəyannaməsinə əsasən ANAMA-ya Fransa səfirliyi tərəfindən 130 ədəd minaaxtaran detektor hədiyyə edilib.

Təqdimat tədbirində Agentliyin idarə heyətinin sədri Vüqar Süleymanov və Fransanın ölkəmizdəki səfiri Zakari Qros çıxış ediblər.

ANAMA-nın İdarə Heyətinin sədri Vüqar Süleymanov qurumun fəaliyyətindən danışıb. O, bildirib ki, səfirlik tərəfindən verilən mina detektorları ölkəmizdə həyata keçirilən mina və partlamamış hərbi sursatların təmizlənməsi fəaliyyətinə və daha təhlükəsiz şəraitin təmin olunmasına töhfə verəcək.

Sonra tədbir iştirakçıları mina detektorlarına, Agentliyin təşkil etdiyi mina və partlamamış hərbi sursatlara dair sərgiyə baxış keçiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.