REGİONLAR


Ağsuda 1000 hektar ərazidə yeni aqropark salınır

Ağsu, 1 yanvar, AZƏRTAC

Ağsu rayonunun Ərəbsarvan bələdiyyəsi ərazisində ümumi sahəsi 1000 hektar olan aqropark salınır.

Rayon icra hakimiyyətindən AZƏRTAC-ın bölgə müxbirinə bildirilib ki, “Ağsu Aqropark” QSC-yə məxsus aqroparkın ərazisinin 500 hektarında pilot suvarma sistemi qurulub. Hündürlüyü 4,5 metr olan bu qurğu yüksək həcmdə suvermə qabiliyyətinə malikdir. Pilot qurğu ilə suvarılan torpaqlarda əkiləcək qarğıdalı, arpa, yonca kimi yem bitkilərindən yüksək məhsul götürmək mümkün olacaq.

Aqroparkda 1000 başlıq südlük cins inək bəslənilməsi üçün 6 ədəd hər cür şəraiti olacaq tövlə tikilir. Burada il ərzində 4 milyon litr süd istehsalı nəzərdə tutulur. Habelə, yarıaçıq 4 ədəd tövlə də inşa olunur. Bu tövlələr kökəltmə istiqamətli 1000 baş cins heyvanın bəslənilməsi, ildə 600 ton ət istehsalı məqsədilə inşa edilir. Aqroparkın ərazisində iribuynuzlu mal-qaranın şirəli yemlə qidalandırılması üçün hər biri 1500 tonluq 6, hər biri 150 tonluq 10 silos quyusu tikilir. Burada istehsal gücü saatda 10 ton olan yem zavodu və istehsal gücü saatda 5 ton olan toxum fabriki də inşa olunur. Bundan başqa, ərazidə işçilər üçün ikimərtəbəli ofis və yeməkxana binası da tikilib.

Hazırda “Ağsu Aqropark” QSC-nin hesabında 40-a yaxın ən müasir maşın, traktor, kombayn, 100 vahiddən çox avadanlıqdan ibarət texnika parkı yaradılıb.

Aqroparkın gələn ilin may-iyun aylarında tam istifadəyə verilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.