ELM VƏ TƏHSİL


Akademik: Cəmiyyətdə kiberdayanıqlılıqla bağlı kompleks problemlər mövcuddur

Akademik: Cəmiyyətdə kiberdayanıqlılıqla bağlı kompleks problemlər mövcuddur

Bakı, 1 dekabr, AZƏRTAC

Son zamanlar dünyada gedən proseslər, hibrid, kiber, informasiya, texnoloji və çip müharibələri, “yaşıl cəmiyyət”in formalaşması, iqlim dəyişikliyi, təbii fəlakətlər, enerji, ərzaq və ekoloji təhlükəsizlik kimi qlobal problemlər kontekstində elmi ictimaiyyətin nümayəndələri tərəfindən əsas prioritetlər faktiki olaraq müəyyənləşdirilib. Kibertəhlükəsizlik sahəsində uşaqların internet mühitində informasiya təhlükəsizliyinin təmin olunması, onların internetdə zərərli kontentdən qorunması, kibertəhlükəsizlik mədəniyyətinin formalaşması və digər bu kimi bir sıra ciddi problemlər mövcuddur.

AZƏRTAC xəbər verir ki, bu barədə AMEA-nın vitse-prezidenti, İnformasiya Texnologiyaları İnstitutunun baş direktoru akademik Rasim Əliquliyev elmi seminarda məlumat verib.

AMEA-nın vitse-prezidenti bu problemlər sırasında kiberdayanıqlılıq məsələlərinin də böyük əhəmiyyət kəsb etdiyini vurğulayıb. Onun sözlərinə görə, informasiya resurslarının təhlükəsizliyi ilə yanaşı, texnoloji sistemlərin, kritik infrastrukturların, nəqliyyat infrastrukturunun, enerji sistemlərinin, “ağıllı şəhər”lərin, bir sözlə sensorlara əsaslanan bütün texnologiyaların kiberdayanıqlılığı dedikdə, təhlükələrin mahiyyəti, növü və mənbəyindən asılı olmayaraq, müvafiq texnologiyaların funksionallığını təmin etmək üçün kompleks təhlükələrə qarşı mübarizəni özündə əks etdirən yeni bir anlayış nəzərdə tutulur. İstər iqtisadi, istər sosioloji, istərsə də texnoloji sistemlərin, bütövlükdə cəmiyyətin kiberdayanıqlılıqla bağlı kompleks problemləri mövcuddur ki, artıq institutda aparılan elmi tədqiqatlarda bu mövzuya xüsusi diqqət yetirilir, gələcək üçün yeni vəzifələr müəyyənləşdirilir, müvafiq sahədə kadr hazırlığı məsələləri diqqət mərkəzində saxlanılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.