İDMAN


Əlirza Əmini: Azərbaycan beynəlxalq idman yarışlarını keçirmək üçün zəngin təcrübəyə malikdir

Tehran, 15 may, AZƏRTAC

Azərbaycan beynəlxalq idman yarışlarını keçirmək üçün zəngin təcrübəyə malikdir.

Bunu paracüdo üzrə İran millisinin məşqçisi Əlirza Əmini AZƏRTAC-a müsahibəsində deyib.

O bildirib ki, Azərbaycan xalqının ümummilli lideri Heydər Əliyevin xatirəsinə həsr olunan paracüdo üzrə beynəlxalq Qran-Pri yarışları yüksək səviyyədə təşkil olunub. İdmançıların rahatlığı üçün hər cür şərait yaradılıb.

İran paracüdoçusu Vahid Nurinin 90 kiloqram çəki dərəcəsində çempion olduğunu vurğulayan Ə.Əmini qeyd edib ki, Azərbaycan təmsilçiləri də çox yaxşı nəticələr qazanıblar. Azərbaycanda idmanın inkişafına göstərilən dövlət qayğısının nəticəsidir ki, idmançılar beynəlxalq turnirlərdə uğurla çıxış edirlər.

İranlı məşqçi Bakının çox gözəl və qonaqpərvər şəhər olduğunu vurğulayıb, Azərbaycan paytaxtına bir daha qayıtmaq arzusunu ifadə edib.

Xatırladaq ki, mayın 13-14-də Bakıda ümummilli lider Heydər Əliyevin xatirəsinə həsr olunan paracüdo üzrə beynəlxalq Qran-Pri turniri keçirilib. Yarışda 35 ölkədən 214 cüdoçu birincilik uğrunda mübarizə aparıb.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.