ELM VƏ TƏHSİL
“Apple” kiçik noutbukların istehsalına qayıdır
Bakı, 26 yanvar, AZƏRTAC
Bu il “Apple” şirkəti kiçik noutbukların istehsalına qayıtmaq niyyətindədir. “Apple”ın yeni tətbiqi haqqında “General Interface Solutions” şirkəti məlumat verib. Bu şirkət 2017-ci ilin sonundan “MacBook” üçün aksessuarlar istehsal edir. Hazırda şirkət yeni, 12 düymlük, sərfəli “MacBook” üçün maye kristal ekranların sifarişini alıb. Yeni “MacBook” 2018-ci ilin ikinci yarısında satışa çıxarılacaq. “MacBook Air”in hazırkı dəyərinin 1200 ABŞ dolları olduğunu nəzərə alsaq, yeni noutbukun dəyəri bu məbləği ötməyəcək.
AZƏRTAC hi-news.ru saytına istinadla xəbər verir ki, “Apple” yeni məhsulun istehsalından sonra “MacBook Air”in istehsalını dayandıra bilər. Bununla yanaşı, yeni “MacBook”, həmçinin “Apple”ın son dərəcə incə korpusu tozla dolaraq sınmasına səbəb olan, yeni mexanizmə malik klaviaturası ilə bağlı yaranmış problemləri həll etməyə kömək edə bilər.