İQTİSADİYYAT
Azərbaycan Biznesinin İnkişafı Fondunun fəaliyyətinin təşkil olunması gələn il qarşıya hədəf kimi qoyulub VİDEO
Bakı, 28 dekabr, AZƏRTAC
Gələn il Azərbaycan Biznesinin İnkişafı Fondunun fəaliyyətinin təşkil olunması qarşıya hədəf kimi qoyulub.
AZƏRTAC xəbər verir ki, bu barədə iqtisadiyyat naziri Mikayıl Cabbarov "Dayaq" mükafatının təqdim etmə mərasimində deyib.
"Bu günədək güzəştli kreditlərin tətbiq edilməsində əsas alət Sahibkarlığın İnkişafı Fondu olub. Sahibkarlığın İnkişafı Fondu minlərlə layihəni əhatə edir, lakin bir alətlə çalışmaq günün tələbinə uyğun deyil. Bu nöqteyi-nəzərdən biz Azərbaycan iqtisadiyyatının tələbinə uyğun olaraq bir sıra maliyyə alətlərini ərsəyə gətirəcəyik. Bununla bağlı gələn il təqdimat keçirəcəyik", - deyə nazir qeyd edib.