ELM VƏ TƏHSİL


Bakı Dövlət Universitetində təkmilləşdirmə kursları başa çatıb

Bakı, 16 may, AZƏRTAC

Professor-müəllim heyətinin təkmilləşməsinə, onların qabaqcıl nailiyyətləri mənimsəməsinə böyük diqqət yetirən Bakı Dövlət Universitetində (BDU) növbəti təkmilləşdirmə kursları başa çatıb.

BDU-dan AZƏRTAC-a bildirilib ki, kurslarda müəllimlər müasir tədris, pedaqoji və psixoloji metodlar, tədrisdə informasiya-kommunikasiya texnologiyalarından geniş istifadə imkanları ilə tanış olublar.

Kurslarda 160-dan çox müəllim iştirak edib. Təlimlərdə “Pedaqogika və müasir təlim metodları”, “Pedaqoji və tətbiqi psixologiya” və “Təhsildə İKT” fənləri tədris olunub. Kurs proqramına “Microsoft Teams” platformasında akademik dərslərin təşkili”, “Onlayn dərslərin təşkili və keçirilməsi”, “Onlayn dərslərdə proqram təminatlarından istifadə”, “İnformasiya cəmiyyəti və onun formalaşmasında İKT-nin rolu”, “Müasir İKT vasitələrindən istifadə etməklə tədrisin təşkili”, “Tədrisdə multimedia vasitələri və animasiyalar”, eləcə də “Qafqazın beynəlxalq nəqliyyat və kommunikasiya əlaqələrində iştirakı”, “Ermənistanın Azərbaycana hərbi təcavüzü”, “Dağlıq Qarabağ münaqişəsinə son qoyulması” kimi mövzular daxil edilib.

Sonda iştirakçılara sertifikatlar təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.