REGİONLAR


Balakənli gənclər karyerayönümlü layihə həyata keçiriblər

Balakən, 25 avqust, Mustafa Dadaşov, AZƏRTAC

Gənclərin İnkişaf və Karyera Mərkəzinin Balakən nümayəndəliyi “Könüllülər ili” çərçivəsində gənclərə növbəti layihə təqdim edib.

Nümayəndəliyin rəhbəri Şahin Qarakişiyev AZƏRTAC-ın bölgə müxbirinə bildirib ki, gənclər karyerayönümlü “Peşəkarlarla yan-yana” layihəsi çərçivəsində “Şirniyyat evi”nə gedərək, peşəkar şirniyyatçıdan tort hazırlamağın sirlərini öyrəniblər.

Layihənin məqsədi gənclərin peşə seçiminə kömək etmək, onların asudə vaxtlarının mənalı və səmərəli keçməsinə şərait yaratmaq, gəncləri əməyə, zəhmətə alışdırmaqdır.

İş prosesində gənclər karantin dövrünün tələblərinə uyğun olaraq qoruyucu vasitələrdən istifadə ediblər.

Mərkəzin direktoru belə tədbirlərin davamlı xarakter daşıdığını vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.