İDMAN


Batut gimnastımız Selcan Maqsudova Avropa çempionatının finalına yüksəlib

Bakı, 2 may, AZƏRTAC

Batut gimnastımız Selcan Maqsudova Soçidə keçirilən batut, tamblinq və ikili minibabut üzrə Avropa çempionatının finalına yüksəlib.

AZƏRTAC xəbər verir ki, böyüklər arasında mübarizə aparan təmsilçimiz təqdim etdiyi proqrama görə, hakimlərdən 52,835 xal alaraq təsnifat mərhələsində səkkizinci olub və həlledici mərhələyə adlayıb.

Fərdi batut gimnastikası üzrə final yarışları mayın 2-də təşkil olunacaq. Həmin gün tamblinq üzrə final yarışlarında təmsilçimiz Mixail Malkin də medallar uğrunda mübarizə aparacaq.

Azərbaycanın gənclərdən ibarət tamblinq komandası artıq Avropa çempionatında bürünc medal qazanıb.

Qeyd edək ki, 23 ölkədən idmançıların iştirak etdiyi Avropa çempionatına mayın 2-də yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.