“Bədii düşüncə. Tarixi gerçəklik və estetik ideal” kitabı çap olunmuşdur
Bakı, 30 yanvar (AZƏRTAC). Azərbaycan Milli Elmlər Akademiyası Mərkəzi Elmi Kitabxanasının şöbə müdiri, füzulişünas alim Gülşən Əliyeva-Kəngərlinin “Bədii düşüncə. Tarixi gerçəklik və estetik ideal” kitabı çapdan çıxmışdır.
Kitabxanadan AZƏRTAC-a bildirmişlər ki, əsər alimin Füzulinin poetikası, ədəbiyyatımızda Füzulinin təsiri, ümumilikdə, füzulişünaslıqla bağlı müasir tədqiqatlarının toplusudur.
Azərbaycan ədəbiyyatı tarixinə, dünya lirik şeirinin zirvəsi olan Füzuli poeziyasına dərin sevgi ilə yazılmış, fəlsəfi-poetik fikirlər çələnginə bənzəyən kitaba alimin araşdırmaları haqqında bəzi məqalə və resenziyalar da daxil edilmişdir.
Bölmənin digər xəbərləri
