Azərbaycan nümayəndələri Qazaxıstanda keçirilən beynəlxalq forumda iştirak edirlər
Astana, 14 fevral, AZƏRTAC
Qazaxıstanın Akmola bölgəsində 11 ölkədən 250 nümayəndənin qatıldığı “Dala.Camp Forum 2026” beynəlxalq heyvandarlar forumu keçirilir.
AZƏRTAC “Kazinform”a istinadən xəbər verir ki, iştirakçılar arasında Qazaxıstan, Özbəkistan, Qırğızıstan, Azərbaycan, Tacikistan, ABŞ, Braziliya, Niderland, Fransa, Birləşmiş Ərəb Əmirlikləri və Türkiyədən nümayəndələr var.
Qazaxıstan Heyvandarlar Assosiasiyası İdarə Heyətinin sədri Turan Janibek Kenjebayevin qeyd etdiyi kimi, Qazaxıstan 8,6 milyon baş mal-qara sayı ilə dünyada 39-cu yerdədir.
“Heyvandarlıq artıq yalnız ənənəvi həyat tərzi deyil, həm də ölkənin ərzaq təhlükəsizliyi, regional inkişafı və ixrac potensialı ilə birbaşa əlaqəli iqtisadiyyatın bir sektorudur”, - deyə Kenjebayev bildirib.
Forum çərçivəsində iştirakçılar ətlik heyvandarlığın inkişafı ilə bağlı praktik məsələləri, o cümlədən təsərrüfatın maliyyə modeli, maya dəyərinin idarə olunması, maliyyələşdirmənin cəlb edilməsi və ixrac tələblərinə uyğunluq məsələlərini müzakirə edirlər.
AZƏRTAC-ın xüsusi müxbiri
Astana
Bölmənin digər xəbərləri
