Amur vilayətində Tu-95 hərbi təyyarəsi qəzaya uğrayıb
Moskva, 29 sentyabr, AZƏRTAC
Rusiyanın Amur vilayətində Tu-95 hərbi təyyarəsinin qəzaya uğraması nəticəsində ekipajın altı üzvü həlak olub, bir nəfər yaralanıb.
AZƏRTAC xəbər verir ki, təyyarə təlim-məşq uçuşu həyata keçirərkən qəzaya uğrayıb. Rusiya Müdafiə Nazirliyinin məlumatına görə, təyyarə sursatsız uçuş həyata keçirib və yaşayış olmayan əraziyə düşüb.
Təyyarənin göyərtəsində ümumilikdə yeddi ekipaj üzvü olub.
Hadisənin səbəblərini və şəraitini müəyyənləşdirmək üçün Rusiyanın Aerokosmik Qüvvələrinin komissiyası qəza yerinə göndərilib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
