Bu il subasma səbəbindən köməksiz vəziyyətdə qalan 1351 vətəndaş təxliyə olunub
Bakı, 29 sentyabr, AZƏRTAC
Cari ilin ötən dövründə qeyri-sabit hava şəraiti və intensiv yağışlar nəticəsində fərdi yaşayış evlərində və həyətyanı sahələrdə subasma səbəbindən köməksiz vəziyyətdə qalan 1351 vətəndaş Fövqəladə Hallar Nazirliyinin (FHN) xilasediciləri tərəfindən operativ şəkildə təxliyə edilib.
AZƏRTAC xəbər verir ki, bu barədə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin İctimaiyyətlə əlaqələr və təbliğat şöbəsinin rəisi, daxili xidmət polkovnik-leytenantı Akşin Əlili brifinqdə məlumat verib.
Onun sözlərinə görə, qeyd olunan müddətdə 38 nəfərə müvafiq kömək göstərilib.
Akşin Əlili bildirib ki, 2025-ci ilin analoji dövründə bu rəqəmlər müvafiq olaraq 170 və 9 olub.
Bölmənin digər xəbərləri
