Rusiyanın Yaroslav vilayətində matəm günü elan edilib
Moskva, 29 sentyabr, AZƏRTAC
Rusiyanın Yaroslav vilayətində Pereslavl-Zalessk dairəsinin Kubrinsk qəsəbəsində pirotexnika zavodunda baş verən yanğında ölənlərin xatirəsini anmaq üçün sentyabrın 30-da matəm günü elan edilib.
AZƏRTAC xəbər verir ki, bu barədə regionun qubernatoru Mixail Yevrayev məlumat verib.
Matəm günündə dövlət binalarında bayraqlar yarıya endiriləcək. Televiziya və radio şirkətlərinə, mədəniyyət müəssisələrinə əyləncə proqramlarını və tədbirlərini ləğv etmək tövsiyə olunur.
Sentyabrın 28-də Kubrinsk qəsəbəsində pirotexnika zavodunda güclü yanğın baş verib. Rusiya Fövqəladə Hallar Nazirliyinin son məlumatına görə, yanğın nəticəsində 14 nəfər ölüb, bir yaralı var.
Hadisə ilə bağlı cinayət işi açılıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
