Suriyada qaz kəməri partladılıb
Qahirə, 29 sentyabr, AZƏRTAC
Suriyada qaz boru kəmərinin əl-Şula məntəqəsi ilə Deyr əz-Zor arasındakı hissəsində bu gün qeydə alınmış partlayışın səbəbi açıqlanıb.
AZƏRTAC xəbər verir ki, Suriya Xəbər Agentliyinin ölkənin Dövlət Neft Şirkətinə istinadla yaydığı məlumata görə, hadisə təxribat nəticəsində baş verib.
Yanğın Cəbsə qaz emal müəssisəsindən elektrik enerjisi istehsal edən stansiyalara qaz axınının dayanmasına səbəb olub.
Məlumata görə, yanğınsöndürmə briqadaları hadisə yerini əhatəyə alıb. Hazırda yanğının tam söndürülməsi istiqamətində işlər davam etdirilir.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
