Azərbaycanın maliyyə bazarlarının beynəlxalq maliyyə sisteminə inteqrasiyasının təşviqi nəzərdən keçirilib
Bakı, 29 sentyabr, AZƏRTAC
Azərbaycan Mərkəzi Bankının (AMB) sədr müavini Əli Əhmədov ölkəmizdə səfərdə olan “Standard Chartered” Bankının Borc kapital bazarları üzrə icraçı direktoru Jojo Ounun rəhbərlik etdiyi nümayəndə heyəti ilə görüşüb.
AMB-dən AZƏRTAC-a bildirilib ki, görüşdə qlobal maliyyə bazarlarında makroiqtisadi mühit və tendensiyalar, valyuta ehtiyatlarının idarə edilməsi üzrə aktual meyillər, eləcə də suveren istiqraz və pul bazarının cari dinamikası müzakirə edilib.
Görüş zamanı, həmçinin Azərbaycanın maliyyə bazarlarının beynəlxalq maliyyə sisteminə inteqrasiyasının təşviqi, “Standard Chartered” Bankının qlobal maliyyə şəbəkəsinin bu istiqamətdə yarada biləcəyi imkanlar, eləcə də təşkilatlar arasında əməkdaşlıq perspektivləri nəzərdən keçirilib. Tərəflər qarşılıqlı maraq doğuran təşəbbüslər, habelə bilik və təcrübə mübadiləsi məsələləri ətrafında fikir mübadiləsi aparıblar.
Bölmənin digər xəbərləri
