Asiya İnfrastruktur İnvestisiya Bankının prezidenti: Azərbaycanla sıx əməkdaşlıq etməyi səbirsizliklə gözləyirik
Bakı, 29 sentyabr, AZƏRTAC
Asiya İnfrastruktur İnvestisiya Bankının (AİİB) İllik Toplantısına hazırlıq prosesində Azərbaycanla sıx əməkdaşlıq etməyi səbirsizliklə gözləyirik.
AZƏRTAC AİİB-ə istinadla xəbər verir ki, bunu bankın prezidenti Zou Jiayi deyib.
“AİİB-in təsisçi üzvü olan Azərbaycan bankın missiyasının həyata keçirilməsində ardıcıl olaraq sadiq və yüksək qiymətləndirilən tərəfdaş olub”, - deyə o bildirib.
Qeyd edək ki, Asiya İnfrastruktur İnvestisiya Bankının Müdirlər Şurasının 12-ci İllik Toplantısının 2027-ci il iyulun 14-15-də Bakıda keçirilməsi qərara alınıb. Bu qərar AİİB-in Qətərin paytaxtı Dohada keçirilən 11-ci İllik Toplantı zamanı qəbul edilib.
Bölmənin digər xəbərləri
