DÜNYA


Böyük Britaniyada iş həftəsinin 4 günə endirilməsi planlanlaşdırılır

London, 20 yanvar, AZƏRTAC

Böyük Britaniyada iş həftəsinin 4 günə endirilməsi planlanlaşdırılır.

AZƏRTAC xəbər verir ki, Böyük Britaniyada 30 şirkət yeni pilot sxemin bir hissəsi olaraq həftənin dörd günü fəaliyyət göstərməyə başlayacaq. Yeni qərara əsasən, 30 şirkətdə kadrlar növbəti 6 ay ərzində həftədə dörd gün işləyəcək və maaşları dəyişməyəcək.

Böyük Britaniyada "4 Günlük Qlobal Həftə" tərəfindən həyata keçirilən sınaq çərçivəsində müxtəlif təşkilatların işçiləri həftədə 35 saata qədər adi iş həcmini tamamlayacaq, lakin onu beş günə deyil, dörd günə böləcəklər. Dördgünlük iş vaxtının işçilərə çevik saatlar təklif etmək və iş saatları ərzində məhsuldarlığı artırmaq üçün nəzərdə tutulduğu açıqlanıb.

Aynurə Tağıyeva

AZƏRTAC-ın xüsusi müxbiri

London

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.