DÜNYA


Dariqa Nazarbayeva “Nur Otan” partiyasının siyasi şurasının tərkibindən çıxarılıb

Bakı, 28 yanvar, AZƏRTAC

Qazaxıstanın hakim “Nur Otan” partiyasının siyasi şurasının tərkibində dəyişiklik edilib.

AZƏRTAC Kazinform agentliyinə istinadla xəbər verir ki, partiyanın ali nümayəndəlik orqanının tərkibi 55 faiz yenilənib. Ölkənin sabiq prezidenti Nursultan Nazarbayevin böyük qızı Dariqa Nazarbayeva şuranın yeni tərkibinə daxil edilməyib.

Siyasi şuranın yeni üzvlərinin mətbuatda dərc olunmuş siyahısında partiya sədrinin birinci müavini Bayırjan Baybekin və sabiq baş nazir Askar Maminin də adları yoxdur. Bununla yanaşı, partiyanın nizamnaməsində də dəyişiklik olunub.

Xatırladaq ki, “Nur Otan” partiyasının növbədənkənar XXI qurultayının qərarına əsasən, Qazaxıstan Prezidenti Kasım-Jomart Tokayev yekdilliklə partiyanın sədri seçilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.