ELM VƏ TƏHSİL


Dövlət İmtahan Mərkəzində növbəti məşğələlər fizika, rus dili, biologiya, tarix fənlərini əhatə edib

Bakı, 14 fevral, AZƏRTAC

Dövlət İmtahan Mərkəzində (DİM) hazırlıq kurslarının növbəti məşğələləri keçirilib.

DİM-dən AZƏRTAC-a bildirilib ki, məşğələlərin mövzusu təhsil proqramı (kurikulum) əsasında tərtib edilmiş tapşırıqların qiymətləndirmə meyarları haqqında olub.

Fizika və tarix fənləri üzrə məşğələlərdə kurs iştirakçıları tərəfindən hazırlanmış referatların müzakirəsi aparılıb. Təqdimatlardan sonra fikir mübadiləsi aparılıb və suallar cavablandırılıb.

Biologiya fənni üzrə məşğələnin mövzusu “Situasiya tipli tapşırıqların hazırlanması”, Rus dili fənni üzrə isə “Qiymətləndirmə meyarlarının hazırlanması” olub.

Kurslarda elektron qeydiyyatdan keçmiş müəllimlər, metodistlər, ali təhsil müəssisələrinin pedaqoji yönümlü fakültələrinin sonuncu kurs tələbələri və magistrlər iştirak ediblər.

Növbəti həftə məşğələlər davam etdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.