İQTİSADİYYAT


Dövlət Xidmətinin nümayəndələri beynəlxalq konfransa qatılıb

Bakı, 17 iyun, AZƏRTAC

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin nümayəndələri Nottinqem Hüquq Məktəbinin Dövlət Satınalmaları Araşdırma Qrupunun “Dövlət Satınalmaları: Qlobal İnqilab XI” mövzusunda keçirdiyi konfransda iştirak ediblər.

Dövlət Xidmətindən AZƏRTAC-a bildirilib ki, 300-dək nümayəndə və məruzəçinin iştirak etdiyi konfransda əsasən “Dünya Bankı - davamlı inkişaf üçün satınalmalar sahəsində qlobal tərəfdaşlıq, satınalmalarda davamlılıq, sosial və inklüziv satınalmalar, satınalma sisteminin müqayisəli təhlili, satınalmaların auditi, rəqəmsallaşma və süni intellekt” və digər mövzularda dinləmələr və müzakirələr aparılıb.

Qeyd edək ki, Nottinqem şəhərində keçirilən konfrans dövlət satınalmaları sahəsində mütəxəssisləri, o cümlədən dövlət satınalmaları sahəsində çalışan iri beynəlxalq təşkilatların nümayəndələrini, hüquqşünasları, eləcə də alimləri bir araya gətirən platformadır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.