Dövlət qulluğuna test imtahanından müvəffəqiyyətlə keçən namizədlərin sertifikatlarının verilməsinə başlanılıb

Bakı, 14 dekabr, AZƏRTAC

Dövlət İmtahan Mərkəzi tərəfindən oktyabrın 24-də dövlət qulluğunun B (inzibati icraçı) və noyabrın 21-də A (inzibati rəhbər) növünə aid vəzifələr üzrə keçirilmiş test imtahanlarında uğur qazanmış namizədlərin sertifikatlarının verilməsinə başlanılıb.

Mərkəzdən AZƏRTAC-a bildirilib ki, namizədlər şəxsiyyəti təsdiqləyən sənədi təqdim etməklə sertifikatı Mərkəzin Bakı şəhəri, Nəsimi rayonu, akademik Həsən Əliyev küçəsi, 299 ünvanında yerləşən inzibati binasından və ya DİM-in Naxçıvan, Gəncə, Şəki, Lənkəran, Göyçay, Şəmkir, Şirvan, Bərdə və Xaçmaz regional bölmələrindən əldə edə bilərlər.