CƏMİYYƏT


Fövqəladə Hallar Nazirliyinin Akademiyasının rəhbərliyi Ukraynada səfərdə olub

Bakı, 18 sentyabr, AZƏRTAC

Fövqəladə Hallar Nazirliyinin (FHN) Akademiyasının rəisi general-mayor Baba Salayevin rəhbərlik etdiyi Akademiyanın nümayəndə heyəti Ukrayna Respublikasının Xarkov şəhərində işgüzar səfərdə olub.

FHN-in mətbuat xidmətindən AZƏRTAC-a bildiriblər ki, səfər çərçivəsində FHN Akademiyasının nümayəndə heyəti Ukrayna Respublikasının Milli Mülki Müdafiə və Xarkov Milli Radioelektronika universitetlərində, Ukrayna Respublikası Milli Texniki Universitetinin Xarkov Politexnik İnstitutunda bir sıra görüşlər keçirib, ali təhsil ocaqlarının fəaliyyəti ilə tanış olub. Görüşlər zamanı elm, təhsil və mədəniyyət sahələrində əlaqələrin genişləndirilməsi, birgə tədqiqat layihələrinin həyata keçirilməsi kimi məsələlər müzakirə edilib, xüsusilə böhran psixologiyası ilə bağlı qarşılıqlı faydalı əməkdaşlıq imkanları barədə fikir mübadiləsi aparılıb.

FHN-in Akademiyasının rəisi general-mayor Baba Salayev Ukrayna Respublikasının Milli Mülki Müdafiə Universitetinin rektoru general-leytenant Vladimir Sadkovoy tərəfindən əməkdaşlıq çərçivəsində Universitetin 90 illik yubiley medalı ilə təltif edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.