REGİONLAR


Gədəbəyin düşmənlə həmsərhəd 21 yaşayış məntəqəsi qazlaşdırılır

Gədəbəy, 23 sentyabr, Rauf Hacıyev, AZƏRTAC

Gədəbəy rayonunun düşmənlə həmsərhəd 21 yaşayış məntəqəsinə qaz xətti çəkilir. Həmin kəndlərdən 19-u rayonun Şınıx bölgəsində yerləşir.

İndiyədək yanacağa olan ehtiyaclarını əsasən odunla ödəyən bu kəndlərin sakinləri ilk dəfə olaraq mavi yanacaqdan istifadə edəcəklərinə görə çox sevinclidirlər.

AZƏRTAC-ın bölgə müxbiri xəbər verir ki, işlər yekunlaşdıqdan sonra ümumilikdə 1047 abonent mavi yanacaqla təmin ediləcək.

Hazırda qazlaşma işləri rayonun Səbətkeçməz kəndində davam etdirilir. Bu günə qədər kənddə 1140 metr müxtəlif diametirli xətt çəkilib, sayğaclar quraşdırılıb. Yaxın günlərdə kəndin tam olaraq sayğaclaşması yekunlacaq. İki minə yaxın sakini olan bu kənddə xətlərin çəkilişi və sayğaclaşma yekunlaşdıqdan sonra sınaq işləri aparılacaq və sakinlər ilin sonunadək mavi yanacaqla təmin ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.