DÜNYA


Gürcüstan parlamentinin sabiq sədrinin yeni vəzifəsi məlum olub

Tbilisi, 25 aprel, AZƏRTAC

Gürcüstan parlamentinin sabiq sədri Arçil Talakvadze siyasətdə qalacaq. O parlament sədrinin müavini olacaq.

AZƏRTAC xəbər verir ki, bu barədə “Gürcü arzusu - demokratik Gürcüstan” partiyasının sədri İrakli Kobaxidze məlumat verib.

Onun sözlərinə görə, Arçil Talakvadzenin parlamentin sədri vəzifəsindən istefa verməsi onun siyasətdən getməsi demək deyil.

“A.Talakvadze partiyanın fəal üzvüdür və parlamentin sədr müavini postunu tutacaq, partiyanın fəal üzvü kimi siyasi fəaliyyətini davam etdirəcək”, – deyə Kobaxidze vurğulayıb.

Qeyd edək ki, Arçil Talakvadze aprelin 24-də vəzifəsindən istefa verib. O, istefanın səbəbini açıqlamayıb.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.