DÜNYA


Gürcüstanda beynəlxalq əhəmiyyətli magistral yolların yenilənməsinə daha çox vəsait ayrılacaq

Tbilisi, 13 avqust, AZƏRTAC

Gürcüstan hökuməti 2019-cu ilin I yarısında yol infrastrukturunun yaxşılaşdırılmasına 397,838 milyon lari (təxminən, 137 milyon ABŞ dolları) vəsait xərcləyib.

AZƏRTAC xəbər verir ki, bu barədə Gürcüstanın Avtomobil Yolları Departamentinin 6 aylıq hesabatında məlumat verilir.

Məlumatda bildirilir ki, bu, ötən ilin eyni dövrü ilə müqayisədə 36,4 faiz çoxdur.

Yanvar-iyun aylarında Gürcüstanda 200 kilometrə yaxın yol bərpa olunub, 10 körpüdə isə təmir-bərpa işləri aparılıb. Bu ilin sonuna qədər qonşu ölkədə 550 kilometr yolun bərpa olunması nəzərdə tutulub.

Bildirilir ki, təmir olunan yolların bir qismi Böyük İpək yolunun tərkib hissəsidir. Gürcüstan hökuməti beynəlxalq əhəmiyyətli magistral yolların yenilənməsinə daha çox vəsait ayırmaq niyyətindədir.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.