DÜNYA


Gürcüstanın dəmir yolları ilə daşımaların həcmi artıb

Tbilisi, 11 aprel, AZƏRTAC

Cari ilin birinci rübündə Gürcüstanın dəmir yolları ilə daşımaların həcmi xeyli artıb.

AZƏRTAC xəbər verir ki, bu barədə “Gürcüstan Dəmir Yolları” Səhmdar Cəmiyyəti məlumat yayıb. Bildirilir ki, bu ilin yanvar-mart aylarında dəmir yolları vasitəsilə 2,5 milyon ton yük daşınıb. Bu da 2018-ci ilin eyni dövrü ilə müqayisədə 105 min ton çoxdur. Buna səbəb quru yük və konteyner daşımalarının əhəmiyyətli dərəcədə artmasıdır.

“Gürcüstan Dəmir Yolları” SC-dən bildirilib ki, hesabat dövründə ölkənin dəmir yolları ilə 1,48 milyon ton quru yük və 18 min konteyner daşınıb. Bu da keçən ilin eyni dövrü ilə müqayisədə müvafiq olaraq 9 faiz və 31 faiz çoxdur. Üç ayda Gürcüstan konteyner daşımalarından 2 milyon 339 min dollar gəlir əldə edib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.