MƏDƏNİYYƏT


ISESCO Baş Konfransının 13-cü sessiyası davam edir

Bakı, 12 oktyabr, AZƏRTAC

Mərakeş Krallığının Rabat şəhərində ISESCO Baş Konfransının 13-cü sessiyası davam edir. Sessiyada iştirak məqsədilə mədəniyyət naziri Əbülfəs Qarayev Mərakeşdə səfərdədir. Qeyd edək ki, ölkəmiz sessiyada təşkilatın 12-ci Baş Konfransının sədri qismində iştirak edir.

Nazirlikdən AZƏRTAC-a bildirilib ki, oktyabrın 12-də sessiya çərçivəsində Azərbaycanda həm onlayn, həm də offlayn olaraq konsertlərə, teatrlara, idman və əyləncə tədbirlərinə bilet satışını həyata keçirən “iTicket.az” saytının təqdimatı keçirilib.

Məlumat verilib ki, “iTicket.az” - 2016-cı ildən etibarən öz fəaliyyətinə başlayıb. Bakı şəhərində 20-yə yaxın satış nöqtəsi “iTicket.az”ın idarəçiliyi altında fəaliyyət göstərir. iTicket.az IV İslam Həmrəyliyi Oyunları, 2017 və 2018 Formula 1 Azərbaycan Qran-Pri yarışları, 2017 Voleybol üzrə qadınlararası Avropa Çempionatı, UEFA Çempionlar Liqasının qrup mərhələsi, Bakıda velosiped idmanının “BMX Racing” növü üzrə 2018-ci il dünya çempionatı, “Jara-2018” Beynəlxalq Musiqi Festivalı və AFFA kimi tədbirlərin rəsmi əməkdaşı və bilet satışı üzrə təchizatçısıdır. iTicket.az bilet alışı prosesinin daha səmərəli və rahat etmək üçün öz məhsul və xidmətlərini təkmilləşdirməyə çalışır.

Qeyd edək ki, Azərbaycan 2015-ci ilin noyabr ayından etibarən İSESCO Baş Konfransına sədrlik edir və cari ildə ölkəmizin sədrliyi başa çatır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.