İDMAN


İspaniya La Liqası: "Barselona" səfərdə vacib xal itirib

Bakı, 12 may, Nicat Məmmədov, AZƏRTAC

Mayın 12-də futbol üzrə İspaniya La Liqasının 36-cı tura start verilib.

AZƏRTAC xəbər verir ki, turun açılış görüşündə çempionluğa iddialı “Barselona” səfərdə “Levante” klubunun qonağı olub.

Altı qol vurulan görüş 3:3 hesabı ilə heç-heçə başa çatıb.

Kataloniya təmsilçisinin heyətində Lionel Messi, Pedri, Usman Dembele, “Levante”nin isə Qonsalo Melero, Joze Morales və Serxio Leon fərqləniblər.

Bu nəticədən sonra xal ehtiyatını 76-a çatdıran “Barselona” turnir cədvəlində ikinci pilləyə yüksəlib. “Levante” isə 40 xalla 13-cü yerə yüksəlib.

Qeyd edək ki, “Barselona” klubunun çempionluq yolunda rəqibləri “Real Madrid” və “Atletiko Madrid” klubları növbəti oyunlarını mayın 13-də keçirəcək. Birinci pillədə (77 xal) yer alan “Atletiko Madrid” öz meydanında “Real Sosyedad”ı qəbul edəcək. Üçüncü yerdə (75) olan “Real Madrid” isə səfərdə “Qranada”nın qonağı olacaq.

İspaniya La Liqasının başa çatmasına iki tur qalır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.