DÜNYA


Macarıstanda pandemiya dövründə onlayn-satış rekord həddə çatıb

Budapeşt, 18 yanvar, AZƏRTAC

Koronavirus pandemiyası və karantin tədbirləri bir tərəfdən restoran və kafelər üçün böyük itkilərə səbəb olsa da, digər tərəfdən internet-mağazalardan və yeməklərin onlayn çatdırılmasından daxil olan gəlirlər rekord göstəricilərə çatıb.

AZƏRTAC xəbər verir ki, adi mağazalarda alış-veriş imkanlarının məhdudlaşdırılması, həmçinin koronavirusa yoluxma təhlükəsindən ehtiyatlanmaq bir çox avropalını müxtəlif malların, o cümlədən ərzaq mallarının onlayn rejimdə əldə olunmasına məcbur edib. Bu sahənin tədqiqatı ilə məşğul olan şirkətlərin məlumatına görə, ötən il onlayn-mağazalar üçün Aİ ölkələrində həqiqətən də rekord ili olub. Təkcə Macarıstanda vətəndaşlar ötən il onlayn alış-verişlərdə 3,1 milyard avro xərcləyiblər.

Ötən il onlayn əldə edilən ərzaq məhsullarına tələbat əhəmiyyətli dərəcədə artıb. Bütün il ərzində Aİ məkanında bu göstərici 42 faizə çatıb.

Ötən ilin rekord ili olacağı artıq lokdaunun tətbiq ediləcəyinin mümkünlüyü barədə ilkin xəbərlərin əmələ gəlməsi zamanı bəlli idi. Mart ayında, ölkələr karantinə “bağlanmağa” başlayanda İnternet satışlarında ciddi canlanma yarandı. Oktyabr-dekabr aylarında Milad bayramlarına hazırlıqlar da özünü göstərib – bu müddətdə Aİ ölkələri sakinləri qənaət etdikləri vəsaitin böyük hissəsini internetdə hədiyyələr almağa xərcləyiblər.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.