REGİONLAR


Masallı məktəblisi şahmat üzrə onlayn Respublika birinciliyində ikinci yeri tutub

Masallı, 23 fevral, Bağır Əliyev, AZƏRTAC

“Təhsil” Respublika İdman Mərkəzinin təşkilatçılığı ilə Nizami Gəncəvinin 880 illiyinə həsr olunmuş şahmat üzrə onlayn Respublika birinciliyində Masallı məktəblisi uğurla çıxış edib.

AZƏRTAC-ın bölgə müxbiri xəbər verir ki, 2004-cü il təvəllüdlü və daha kiçik yaşlılardan ibarət Təhsil Nazirliyi sistemində fəaliyyət göstərən uşaq-gənclər idman-şahmat məktəblərinin və şahmat klublarının komandalarının iştirak etdiyi yarışda Masallı şəhərindəki “Dəfinə” məktəb-liseyinin XI sinif şagirdi, Rayon Uşaq-Gənclər İdman-Şahmat məktəbinin yetirməsi Mirseyidəli Talıbzadə ikinci yerə layiq görülüb.

Qeyd edək ki, 10 yaşından şahmatla məşğul olan Mirseyidəli Talıbzadə 2017-ci ildə Astara şəhərində keçirilmiş 16 yaşadək yeniyetmə və gənclərin Respublika Şahmat Olimpiadasında da ikinci yerə sahib olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.