Beynəlxalq Riyaziyyat Müsabiqəsinin finalına Şəki-Zaqatala bölgəsi üzrə 80 şagird vəsiqə qazanıb
Şəki, 1 may, Mustafa Dadaşov, AZƏRTAC
Şəki-Zaqatala Regional Təhsil İdarəsinin tabeliyində olan ümumi təhsil müəssisələrindən 80 şagird Kenquru Beynəlxalq Riyaziyyat Müsabiqəsinin final mərhələsində iştirak etmək hüququ qazanıb.
Bu barədə AZƏRTAC-ın bölgə müxbirinə Regional Təhsil İdarəsinin məsul əməkdaşı Mahal Məmmədov məlumat verib.
Qurumun əməkdaşı bildirib ki, müsabiqənin final mərhələsinə Şəki rayonu üzrə 31, Balakən rayonu üzrə 15, Zaqatala rayonu üzrə 12, Qax rayonu üzrə 8, Oğuz və Qəbələ rayonlarının hər biri üzrə isə 7 şagird vəsiqə qazanıb.
Qeyd edək ki, müsabiqənin keçirilməsində əsas məqsəd ümumi təhsil müəssisələrinin II-X sinif şagirdlərinə riyaziyyat fənni üzrə biliklərini yoxlamağa imkan yaratmaqdır.
Bölmənin digər xəbərləri
