MƏDƏNİYYƏT


“Muzeyi peşəkardan öyrənək” layihəsi çərçivəsində Sumqayıtda tədbir keçirilib

Bakı, 1 avqust, AZƏRTAC

Mədəniyyət Nazirliyinin “Muzeyi peşəkardan öyrənək” adlı layihəsi çərçivəsində Azərbaycan Musiqi Mədəniyyəti Dövlət Muzeyinin direktoru Alla Bayramova, muzeyin direktor müavini Təranə Qurbanova, baş mühafiz Sevinc Əliyeva, şöbə müdiri Nigar Xankişiyeva, aparıcı elmi işçi Raminə Məmmədova Sumqayıt şəhərində olublar.

AZƏRTAC xəbər verir ki, Sumqayıt Regional Mədəniyyət İdarəsinə tabe olan Sumqayıtın Tarixi Muzeyində keçirilən təlim-seminara idarənin əhatə etdiyi Sumqayıt, Abşeron, Xızı, Qubadlı, Şuşa və Zəngilan Tarix-Diyarşünaslıq Muzeyi, Rəsm Qalereyası, ev-muzeyləri və Heydər Əliyev Mərkəzinin direktorları, fond mühafizləri, elmi işçiləri qatılıblar. Ümumilikdə, təlim-seminarda 11 mədəniyyət müəssisəsindən 27 əməkdaş iştirak edib.

Tədbiri giriş sözü ilə açan Sumqayıt Regional Mədəniyyət İdarəsinin rəisi Rəşad Əliyev tədbir haqqında ətraflı məlumatı təqdim edib. O, çıxışında Azərbaycanda bu gün muzey işinin inkişaf etdirilməsi istiqamətində ölkə rəhbərliyi tərəfindən lazımi tədbirlər görüldüyünü qeyd edərək, muzeylərin respublikamızda zəngin mədəni irsin qorunması və təbliğ olunması işində mühüm rolundan danışıb.

Sonra Azərbaycan Musiqi Mədəniyyəti Dövlət Muzeyinin direktoru Alla Bayramova, “Muzey sahəsində müasir çağırışlar”, “Azərbaycan Musiqi Mədəniyyəti Dövlət Muzeyi-55” təqdimatı, “Dünya muzeyləri”, baş mühafiz Sevinc Əliyeva fond və mühafizə işi, aparıcı elmi işçi Raminə Məmmədova muzeydə tətbiq edilən KAMİS-kompleks avtomatlaşdırılmış muzey informasiya sistemi haqqında çıxış ediblər.

Sumqayıtın Tarixi Muzeyinə Azərbaycan Musiqi Mədəniyyəti Dövlət Muzeyinin nəşr etdirdiyi elmi nəşrləri – kitablar, notlar, bukletlər və sairə hədiyyə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.