İDMAN


“Neftçi”nin rəqibi seneqallı futbolçu transfer edib

Bakı, 30 iyun, AZƏRTAC

Bakının “Neftçi” futbol klubunun UEFA Konfrans Liqasının ikinci təsnifat mərhələsindəki rəqibi Kiprin “Aris” komandası növbəti transferini rəsmiləşdirib.

AZƏRTAC xəbər verir ki, “Aris” Fransanın “Genqam” klubunun hücumameyilli yarımmüdafiəçisi Yannik Qomisi heyətinə qatıb. Bu barədə klubun mətbuat xidməti məlumat yayıb. Seneqaldan olan 30 yaşlı futbolçu ilə müqavilənin müddəti və digər detalları açıqlanmayıb.

Futbolçu 2018-ci ildən “Genqam”da çıxış edib. O, daha əvvəl “Orleans” və “Lans” komandalarının da formasını geyinib. Seneqal yığmasında iki oyuna çıxmış futbolçu 1 qol vurub.

“Neftçi”nin “Aris”lə ilk oyunu iyulun 21-də Limassolda, cavab görüşü isə ayın 28-də Bakıda baş tutacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.