MƏDƏNİYYƏT


Niderland qəzetində İçərişəhərlə bağlı məqalə dərc olunub

Haaqa, 27 noyabr, AZƏRTAC

Niderland Krallığının “The Holland Times” qəzetində Azərbaycanın bu ölkədəki səfiri Fikrət Axundovun “Bakının İçərişəhəri-Azərbaycanın milli irsi” adlı məqaləsi dərc olunub.

AZƏRTAC xəbər verir ki, məqalədə 20 il əvvəl İçərişəhər və onun tarixi-memarlıq abidələrinin UNESCO-nun Ümumdünya Mədəni İrs Siyahısına daxil edildiyi bildirilir. Qeyd edilir ki, açıq hava altında muzey olan İçərişəhərin tarixi 2 min ildən çoxdur.

Vurğulanıb ki, İçərişəhərin qala divarları xalqımızın mübariz ruhundan xəbər verir. İçərişəhərin bir çox filmlər üçün ilham mənbəyi olduğu da diqqətə çatdırılıb.

Məqalədə İçərişəhərin inciləri olan Qız qalası, Şirvanşahlar Sarayı haqqında da ətraflı məlumat verilib.

Böyük İpək yolu üzərində yerləşən İçərişəhərin ölkəmizin ilk feodal dövləti Şirvanşahların paytaxtı olmasından, burada zərdüştlüyün izlərini əks etdirən abidələrdən və onların sirli tarixinin hələ də araşdırıldığından söz açılıb.

 

Şəhla Ağalarova

AZƏRTAC-ın xüsusi müxbiri

Haaqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.