DÜNYA


Portuqaliya Ukraynanın təhsil müəssisələrinin bərpasında yaxından iştirak edəcək

Lissabon, 5 iyul, AZƏRTAC

Portuqaliya hökuməti Kiyevdən təxminən 150 kilometr aralıda yerləşən Ukraynanın Jitomir şəhərində məktəblərin yenidən qurulmasına kömək edəcək.

AZƏRTAC xəbər verir ki, bu barədə Portuqaliyanın təhsil naziri Joao Kosta İsveçrədə Ukraynanın bərpası planlarının hazırlanmasına həsr olunmuş konfransda bildirib.

Ukrayna hökumətinin hesablamalarına görə, hərbi əməliyyatlar başlayandan ölkədə 1200 təhsil müəssisəsi, o cümlədən Jitomirdə müxtəlif dərəcədə dağılmış 70 məktəb sıradan çıxarılıb.

Portuqaliya digər ölkələrlə birlikdə Ukraynada təhsil müəssisələrinin bərpası ilə məşğul olacaq.

Xaricilərin işləri üzrə və Sərhədlər Xidmətinin (SEF) məlumatına görə, Portuqaliya 28 faizi yetkinlik yaşına çatmayan uşaq olmaqla (təxminən 13 min) 46 181 ukraynalı qaçqına müvəqqəti sığınacaq verib. Portuqaliya məktəblərində 4700-ə yaxın ukraynalı uşaq təhsil alır.

Nigar Cəfərli

AZƏRTAC-ın xüsusi müxbiri

Lissabon 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.