DÜNYA


Praqalı şəxs Yan Palaxın hərəkətini təkrarlayıb

Praqa, 20 yanvar, AZƏRTAC

Yanvarın 19-da Praqanın Vatslav meydanında üzərinə yanacaq tökərək özünü yandıran kişinin vəziyyəti əvvəlki kimi kiritikdir.

AZƏRTAC Çexiya paytaxtında yerləşən “Korolevskiye Vinoqradı” Fakültə Xəstəxanasının mətbuat xidmətinə istinadla xəbər verir ki, intensiv terapiya şöbəsinə yerləşdirilən 54 yaşlı pasiyentin vəziyyəti ağırdır. Bildirilir ki, bazar ertəsinədək xəstəxana medikamentoz komalı pasiyentin vəziyyəti barədə ətraflı məlumat verə bilməyəcək.

Həmin şəxs Yan Palaxa həsr edilən sərginin keçirildiyi yerdə özünü yandırmağa cəhd edib. Yoldan ötənlər onun üzərinə geyimlər ataraq, həmçinin qonşuluqda yerləşən kafedən yanğınsöndürən balon götürərək alovu söndürüblər.

Hadisə şahidləri bildiriblər ki, özünü yandırmazdan əvvəl əlində lövhəcik tutaraq nə isə danışan zərərçəkən əsasən üz və əl nahiyələrindən xəsarətlər alıb.

Praqanın birinci rayonunun sədr müavini Petr Geymin deyib ki, bu əməl siyasi cəhətdən əsaslandırılmayıb.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.