SİYASƏT


QADINLARIN İQTİSADİ FƏALLIĞININ VƏZİYYƏTİ ARAŞDIRILIR

Beynəlxalq Əmək Təşkilatının “Azərbaycan və Gürcüstanda işəgötürənlər vasitəsilə qadın sahibkarlığın inkişafı” layihəsi çərçivəsində qadınların iqtisadiyyatda iştirakının öyrənilməsi sahəsində tədqiqatlar aparılmışdır.

Azərbaycan Respublikası Sahibkarlar (İşəgötürənlər) Təşkilatları Milli Konfederasiyasından AZƏRTAC-ın müxbirinə bildirmişlər ki, respublikada qadın sahibkarların dəqiq statistikası aparılmır. Bəzi mənbələrə əsasən, qadın sahibkarlar kiçik və orta sahibkarların 7-8 faizini təşkil edir. Qadınların iqtisadi fəallığını məhdudlaşdıran amillərdən biri onların ölkədə aparılan iqtisadi islahatlara və özəlləşdirmə prosesində lazımi səviyyədə iştirak etməməsidir. Özəl sektorda çalışan qadınların yalnız 3 faizinin öz biznesi vardır. Mülkiyyət sahibliyinin aşağı olması, ilkin kapitalın olmaması, maliyyə bazarının tapılmasında çətinliklər, zəruri bilik və bacarıqların azlığı qadınları özəl bizneslə məşğul olmaqdan çəkindirən səbəblərdir.

Müəyyən edilmişdir ki, fəaliyyət sahəsindən və iqtisadiyyatın sektorlarından asılı olaraq, qadınların və kişilərin məşğulluq strukturunda müəyyən fərqlər mövcuddur. Qadınların fəaliyyət göstərdiyi sahələr əsasən tibb, təhsil, mədəniyyət və elm, kredit və sığorta sektorlarıdır. Kişilər isə, əsasən, istehsal sahələrində üstünlük təşkil edirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.