REGİONLAR


Qubada baş verən qəzada 3 nəfər yaralanıb

Quba, 13 may, Elxan Yusifli, AZƏRTAC

Qubada 3 nəfərin xəsarət alması ilə nəticələnən yol-nəqliyyat hadisəsi baş verib.

AZƏRTAC-ın bölgə müxbiri xəbər verir ki, qəza Quba-Xaçmaz yolunun Quba rayonu Alekseyevka kəndi ərazisindən keçən hissəsində baş verib. “VAZ-2109” markalı 50 DM 483 dövlət nömrə nişanlı avtomobilin sürücüsü 20 yaşlı Atakişiyev Taleh Allahverdi oğlu idarəetməni itirərək maşını yolun kənarındakı dərəyə aşırıb.

Hadisə nəticəsində sürücü T.Atakişiyev, avtomobildə olan Quba şəhər sakini, 1999-cu il təvəllüdlü Əliyev Tural Kamran oğlu və digər bir sərnişin müxtəlif bədən xəsarətləri alıblar.

Yaralılar Quba Rayon Mərkəzi Xəstəxanasına çatdırılaraq müvafiq tibbi yardım göstərilib.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.