İDMAN


Ronaldo dünya çempionatında ən çox oyundankənar vəziyyətə düşən futbolçudur

Ronaldo dünya çempionatında ən çox oyundankənar vəziyyətə düşən futbolçudur

Bakı, 7 dekabr, AZƏRTAC

Portuqaliya millisinin üzvü Kriştiano Ronaldo Qətərdə keçirilən dünya çempionatında ən çox oyundankənar vəziyyətə düşən futbolçudur.

AZƏRTAC xəbər verir ki, futbolçu cari mundialda 7 dəfə belə hal ilə üzləşib.

Təcrübəli forvard son olaraq İsveçrəni 6:1 hesabı ilə məğlub etdikləri pley-off matçında uğursuzluqla üzləşib. Otuz yeddi yaşlı hücumçu oyunun 83-cü dəqiqəsində topu qapıdan keçirsə də, qol hesaba alınmayıb.

Bu göstəriciyə görə İspaniya yığmasının futbolçusu Alvaro Morata ikinci sıradadır. Hücumçu 5 dəfə oyundankənar vəziyyətə düşüb.

Qeyd edək ki, Portuqaliya millisi dörddəbir finalda Mərakeş seçməsi ilə üz-üzə gələcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.