İDMAN


Rusiyalı futbolçu ömürlük diskvalifikasiya edilib

Bakı, 16 noyabr, AZƏRTAC

Keçmiş rusiyalı yarımmüdafiəçi Dmitri Aydov Beynəlxalq Futbol Federasiyasının (FIFA) qərarı ilə ömürlük cəza alıb.

AZƏRTAC xəbər verir ki, bu barədə TASS informasiya agentliyində məlumat verilib. Belə ki, Belarusun “Qomel” komandasının heyətində oynayan futbolçu ölkə çempionatında danışılmış oyunlarda iştirakda təqsirləndirilib. İstintaqa görə, o, 22 min dollar müqabilində oyunları satıb. Belarusiya Futbol Federasiyası rusiyalını ömürlük diskvalifikasiya edib.

FİFA-nın qərarına əsasən D.Aydov heç bir səviyyədə futbol fəaliyyətində iştirak edə bilməyəcək.

Qeyd edək ki, 38 yaşlı futbolçu buna qədər “Nijni Novqorod”un “Volqa”, Moskvanın "Torpedo", Mahaçqalanın "Anji", Tulanın "Arsenal" klublarında çıxış edib. “Qomel” komandasını isə 2017-ci ildən təmsil edib. O, 2018-ci ilin iyulunda karyerasını başa vurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.