CƏMİYYƏT


Seminarda məktəblilərə insan alverinin qurbanı olmamaq üçün zəruri biliklər verilib

Bakı, 18 yanvar, AZƏRTAC

Sumqayıt şəhərindəki 14 nömrəli orta məktəbdə “İnsan alverinə qarşı mübarizə” mövzusunda maarifləndirici seminar keçirilib.

Bu barədə AZƏRTAC-a Azərbaycan Qızıl Aypara Cəmiyyətinin mətbuat xidmətindən məlumat veriblər.

Seminarı giriş sözü ilə cəmiyyətin Sumqayıt şəhər bölməsinin sədri Mətanət Məhərrəmova acaraq mövzunun mahiyyəti və bu sahədə zəruri bilik barədə danışıb.

Cəmiyyətin Sumqayıt şəhər bölməsinin könüllüsü Gülnar Tanrıverdiyeva hazırlanmış slayd əsasında “Kimlər insan alverinin qurbanı ola bilər?”, “İnsan alverinin qurbanı olmamaq üçün nələrə diqqət yetirmək lazımdır” barədə şagirdlərə ətraflı məlumat verib. Mövzuya həsr olunmuş videoçarxlar nümayiş olunub.

Seminarda şagirdləri maraqlandıran suallara cavablar verilib, mövzu ilə əlaqədar hazırlanmış bukletlər paylanılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.