ELM VƏ TƏHSİL


Şərqşünas alimlər fəxri fərmanla təltif olunublar

Bakı, 10 may, AZƏRTAC 

Mayın 10-da Azərbaycan Milli Elmlər Akademiyasının (AMEA) İctimai Elmlər Bölməsinin növbəti iclasında AMEA-nın akademik Z.Bünyadov adına Şərqşünaslıq İnstitutunun 60 illik yubileyi ilə əlaqədar bir qrup əməkdaşı bölmənin fəxri fərmanı ilə təltif olunub.

İnstitutdan AZƏRTAC-a bildirilib ki, bu elmi müəssisənin əməkdaşlarına fəxri fərmanları bölmənin akademik-katibi, akademik Nərgiz Axundova təqdim edib.

Fəxri fərmanla institutun nəşriyyat və elmi informasiya təminatı şöbəsinin müdiri Ruhəngiz Cümşüdlü, Cənubi Azərbaycan şöbəsinin müdiri Səməd Bayramzadə, İran tarixi və iqtisadiyyatı şöbəsinin böyük elmi işçisi Sultanəli Mirzəzadə, ərəb filologiyası şöbəsinin aparıcı elmi işçisi Laura Orucova, İran tarixi və iqtisadiyyatı şöbəsinin müdiri Vidadi Mustafayev, ərəb ölkələri tarixi və iqtisadiyyatı şöbəsinin müdiri Fərda Əsədov və İran filologiyası şöbəsinin aparıcı elmi işçisi Zümrüd Rəhimova təltif ediliblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.