İnterfaks agentliyinin yaydığı xəbərə görə, Aşqabad ötən il noyabrın 25-də Prezident Saparmurad Niyazova qarşı törədilmiş sui-qəsdin Türkmənistan vətəndaşları olmayan iştirakçılarını Türkiyə, ABŞ və Rusiyanın hüquq-mühafizə orqanlarına təhvil verəcəkdir. 

Məsələn, Aşqabadda həbsdə olan 6 Türkiyə vətəndaşı artıq bu ölkənin müvafiq orqanlarına verilmişdir.

Ümumiyyətlə, Türkmənistan prezidentinə sui-qəsd və dövlət çevrilişi cəhdi faktı üzrə istintaqın gedişində 60-dan çox adam həbsə alınmışdır. Onların 16-sı başqa dövlətlərin vətəndaşlarıdır.