DÜNYA


Tokio ilə Seul arasında ixraca nəzarətlə bağlı müzakirələr aparılacaq

Tokio, 21 sentyabr, AZƏRTAC 

Yaponiya hökuməti Cənubi Koreya ilə ixraca nəzarətin gücləndirilməsi ətrafında müzakirələr aparacağını bəyan edib.

AZƏRTAC xəbər verir ki, bu barədə NHK telekanalı məlumat yayıb.

Xatırladaq ki, bu ayın əvvəlində Cənubi Koreya Yaponiyanın atdığı addımla əlaqədar Dünya Ticarət Təşkilatına (DTT) şikayət proseduruna başlayıb. DTT-də həmin müraciətə baxılması qaydalarına müvafiq olaraq, Seul Tokiodan həmin məsələ ilə bağlı müzakirələrin təşkilini xahiş edib.

Yaponiyanın Ticarət naziri İsşu Suqavara bildirib ki, hökumət həmin sorğunu müsbət cavablandırmaq barədə qərar verib.

Qeyd edək ki, iyul ayında Yaponiya Cənubi Koreya üçün nəzərdə tutulan üç növ məhsulun ixracına nəzarəti gücləndirib. Həmin materiallar yüksək texnologiyalı məhsulların istehsalında istifadə edilir.

Əgər tərəflər məsələnin DTT-nin arbitraj komissiyasında baxılmasının qarşısını almaq istəyirlərsə, danışıqlar başladıqdan sonra 60 gün ərzində razılığa gəlməlidirlər.

Lakin hər iki tərəfin məsələ ilə bağlı fərqli mövqe nümayiş etdirməsi işin DTT-də müzakirəyə çıxarılacağını deməyə əsas verir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.