DÜNYA


Türk Şurasına üzv dövlətlər arasında qarşılıqlı münasibətlərin möhkəmlənməsi üçün möhkəm zəmin var

Bişkek, 18 oktyabr, AZƏRTAC

Qırğızıstan Baş nazirinin müavini Jeniş Razzakov Türkdilli Dövlətlərin Əməkdaşlıq Şurasının (TDƏŞ) baş katibi Bağdad Amreev ilə görüşüb.

AZƏRTAC xəbər verir ki, Jeniş Razzakov Bağdad Amreevi bu vəzifəyə seçilməsi münasibətilə təbrik edib, əmin olduğunu bildirib ki, onun bilik və təcrübəsi təşkilatın daha da güclənməsinə təkan verəcək.

Görüşdə Jeniş Razaakov TDƏŞ üzvü olan dövlət başçılarının bu ilin sentyabrında Çolpon-Ata şəhərində altıncı Sammitinin uğurla keçirildiyini bildirib. O qeyd edib ki, getdikcə güclənən Türk Şurasına üzv dövlətlər arasında qarşılıqlı münasibətlərin möhkəmlənməsi üçün sabit və möhkəm zəmin var.

Baş nazirin müavini TDƏŞ çərçivəsində bütün istiqamətlərdə səmərəli və qarşılıqlı faydalı əməkdaşlığın zəruri olduğunu vurğulayıb.

Bağdad Amreev təşkilatın fəaliyyətindən və gələcək planlarından danışıb. O deyib ki, türkdilli dövlətlər arasından müxtəlif sahələrdə inteqrasiyanın dərinləşdirilməsi üçün bundan sonra da fəal iş aparacaq.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.