ELM VƏ TƏHSİL


Yeni çapdan çıxan “İrəvan-100” kitabı arxiv sənədləri və tədqiqatlar əsasında hazırlanıb

Bakı, 11 iyun, AZƏRTAC

Azərbaycan Milli Elmlər Akademiyası (AMEA) Elm Tarixi İnstitutunun (ETİ) elmi katibi, siyasi elmlər üzrə fəlsəfə doktoru Zaur Əliyevin “İrəvan-100” kitabı çapdan çıxıb.

ETİ-dən AZƏRTAC-a bildirilib ki, nəşr Azərbaycan, Türkiyə, İran, Rusiya, Gürcüstan, Britaniyanın arxiv sənədləri, tədqiqatlar əsasında hazırlanıb. Nadir fotolar və xəritələrin yer aldığı kitab “Erməni psixologiyası” və “Erməni xəstəliyi” bölmələri ilə başlayır. Müəllif bu mövzulara müraciət etməklə Azərbaycan xalqına düşmən kəsilən ermənilərin psixoloji və tibbi durumunu tədqiq edib. Bu hissənin hazırlanmasında həm xarici, həm də yerli psixoloq və həkimlərlə müzakirələr aparılıb.

Nəşrdə “İrəvanın tarixi”, “Gülüstan müqaviləsi (1813)”, “Türkmənçay müqaviləsi (1828)”, “Batum konfransı və beynəlxalq münasibətlər”, “Cənubi Qafqazda böyük güclərin maraqları” və “İrəvanın güzəşti” mövzularında məlumatlar yer alıb.

Müəllif bildirib ki, Batum müqaviləsində İrəvanın güzəştə gedilməsi və ermənilərin hər hansı öhdəlik götürməsi ilə bağlı razılaşma əksini tapmayıb. İrəvan ermənilərin Milli Şurası ilə Azərbaycan Milli Şurası arasında centlmen razılaşması əsasında verilib. Kitabda bu məsələlərlə yanaşı, Azərbaycan Xalq Cümhuriyyəti ilə Ermənistan arasında sonradan İrəvanın taleyi və hüququ statusu ilə bağlı danışıqlar və sənədlər öz əksini tapıb.

Kitab geniş oxucu kütləsi üçün nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.