Aaxendə üçtərəfli sammit keçirilib
Berlin, 11 may, AZƏRTAC
Ukrayna Prezidenti Pyotr Poroşenko, Almaniya Kansleri Angela Merkel və Fransa Prezidenti Emmanuel Makron Almaniyanın Aaxen şəhərində görüşüblər. AZƏRTAC xəbər verir ki, Aaxendə Fransa Prezidenti E.Makrona Böyük Karl mükafatı təqdim edilib.
Daha əvvəl AFR Kansleri qeyd edib ki, söhbət “normand formatı”ndan getmir, çünki Vladimir Putin görüşdə iştirak etməyəcək.
Rəyi soruşulan ekspertlər görüşü sadəcə “Normandiya minus Rusiya”, yaxud “müttəfiqlərin qeyri-formal görüşü” adlandırırlar. Avropa Şurasının beynəlxalq münasibətlər üzrə böyük elmi əməkdaşı Qustav Qressel "Deutsche Welle"yə ("Alman dalğası") müsahibəsində məsələni belə izah edib: “Bu format Moskva ilə danışıqlardan əvvəl ümumi mövqeyi razılaşdırmaq məqsədi daşıyır”. Amma ötən ilin payızından başlayaraq format əlavə əhəmiyyət kəsb edib: Ukraynada daxili vəziyyəti, ilk növbədə islahatları müzakirə etmək.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
