ABŞ-IN BİRİNCİ XANIMI ÖZÜNÜ TELEAPARICI ROLUNDA SINAYACAQDIR
AZƏRTAC xəbər verir ki, ABŞ-ın birinci xanımı Lora Buş bu günlərdə özü üçün qeyri-adi rolda çıxış edəcəkdir. ABŞ Prezidentinin xanımı En-Bi-Si teleşirkətinin populyar “Today” ("Bu gün") proqramının dəvət edilmiş aparıcısı olacaqdır.
Corc Buşun xanımı aprelin 22-də 4 saatlıq verilişin bir efir saatını aparacaqdır. Lora Buş verilişin bir neçə fraqmentində iştirak edəcək və müsahibə verəcəkdir. Elə həmin gün “Today” proqramı çərçivəsində Lora Buş və onun qızlarından biri Cenna tamaşaçılara uşaqlar üçün yazdıqları “Bu barədə hər şeyi oxu” adlı yeni kitab haqqında danışacaqlar. Buşun xanımı verilişin əsas aparıcısı Enn Karri ilə birlikdə Ağ evin başçısının Krouforddakı (Texas ştatı) rançosunda gəzintiyə çıxacaqdır.
Bölmənin digər xəbərləri
